Azion di racuardi Teritori / Universitât / Sisteme de ricercje

As 2.1 - Teritori:

Meti in vore azions indreçadis a promovi e sostignî il coordenament tra ents locâi, operadôrs economics e Universitât, fuarcis sociâls su tematichis che a rivuardin la ricercje aplicade cuntun fuart rilêf teritoriâl, ancje cun studis di setôr;
Promovi e sostignî altris iniziativis che a judin a miorâ la cognossince, ancje cu la difusion des informazions cjapadis sù e i risultâts de ricercje sientifiche, cun particolâr riferiment aes dibisugnis teritoriâls, cul jutori des competencis universitariis
Iniziativis smiradis al inzornament specialistic e ae formazion continue ancje trasversâl tes professions
Coorganizâ iniziativis indreçadis ae istituzion, funzionament e gjestion di cors, seminaris e altris iniziativis didatichis sientifichis in colaborazion cun competencis sientifichis e tecnichis professionâls che a son tal teritori

As 2.2 - Sostegn ae didatiche:

Finanziâ contrats di dirit privât/suplencis pe docence tai cors nomenâts tai art. 5 e 6 dal Statût universitari, tal câs che no sedin a disposizion professôrs titolârs o ricercjadôrs confermâts pai cors di lauree/diplome di gnove istituzion e pes gnovis realtâts didatichis decentradis tai centris periferics de Universitât di Udin;
Intervignî par ativitâts didatichis integrativis e di sostegn, cun apuarts ancje di competencis extranazionâls;
Atribuî borsis di studi a laureâts che a son a stâ te Regjon par judâju a preparâ materiâi e elements pe didatiche in tematichis cuntun fuart rilêf teritoriâl;
Promovi il recupar di struturis sieltis par dâ acet ae didatiche universitarie cun particolâr rivuart a realtâts di gnove istituzion

As 2.3 - Sostegn diret ae universitât

Intervents daûr de convenzion previodude dal art. 9 dal DPR 102/78 colegât cul art. 115 dal DPR 382/80 e modificazions seguitivis (in bêçs o servizis fin a rivâ a Liris 150.000.000/an)
Mantignî in concession di ûs ae Universitât di Udin dai palaçs Antonins-Cernazai e ex convent dai Agostinians par finalitât di didatiche/ricercje, tignût cont dai rapuarts tornâts a definî tra Consorzi e Universitât di Udin, in relazion ae gnove convenzion firmade ai 16.6.99
Sostignî lis spesis di lûs e riscjaldament di palaç Antonins-Cernazai, tant che fissât te gnove convenzion firmade ai 16.6.99

As 2.4 - Ricercje

Promovi azions di coordenament pal disvilup de inovazion, cjapant sù e coordenant lis risorsis culturâls, organizativis e finanziariis che a son o che a vegnin dongje tal teritori dal Friûl, cuntune vore par areis omogjeniis
Meti in vore intervents indreçâts a promovi/sostignî il potenziament di studis, ricercjis, concors a ricercje e cors di specializazion tes areis di aplicazion sielzudis, cun riferiment ai procès e aes gnovis tecnologjiis che a favorissin il disvilup, ancje cun competencis extranazionâls, de inovazion dal leam Teritori/Universitât
Meti in vore intervents direts o no direts in pro di ricercjis di grant interès o cuntune gruesse ricjadude teritoriâl
Meti in vore e promovi il finanziament di ricercjis aplicadis cuntune conduzion miste di struturis universitariis/istituzions di ricercje e impresis che a lavorin tal teritori e che a àn ancje colegaments internazionâi
Fâ funzionâ e furnî struturis sieltis par dâ acet ae ricercje aplicade cun rivuart par iniziativis mistis Universitât/impresis, ancje cun proiezions internazionâls

As 2.5 - Inseriment in circuits nazionâi e internazionâi

Promovi e disvilupâ canâi di comunicazion cun istituzions di ricercje aplicade nazionâls e internazionâls tal cuadri di azions/programs plurienâi sistematics coinvolzint parie Consorzi e Universitât, ancje par ricjadudis teritoriâls di miorament de cognossince
Meti in vore intervents indreçâts a promovi e/o sostignî studis, ricercjis e concors a ricercje cuntun contignût une vore aplicatîf e organizatîf in setôrs cuntun interès teritoriâl ricognossût (biotecnologjiis, medisinis no convenzionâls, siencis dal om, e v.i.), indreçâts al disvilup pussibil de istituzion universitarie e dal contest teritoriâl dal Friûl parie, ancje in relazion cu la sene internazionâl in evoluzion e leantju, par chel che al è impuartant e cuntun riferiment strent ae ricercje, ancje aplicade, cu lis Aziendis sanitariis/ospedalieris
Atribuî borsis di ricercje a laureâts forescj intun cuadri di scambi, cun riferiment particolâr ai teritoris dal Alpe-Adria

As 2.6 - Mantigniment dal patrimoni imobiliâr

Conciertâ cu la universitât il plan gjenerâl de manutenzion dai bens imobii di proprietât dal consorzi destinâts a ûs universitaris
Meti in vore intervents urgjents

As 2.7 - Font Sociâl European e/o altris finanziaments statâi

Partecipâ a iniziativis cussì clamadis multiregjonâls promovudis de Associazion Nazionâl Consorzis universitaris
Inviâ e sostignî progjets pe costituzion di professionalitâts, di impleâ in setôrs cun fuarte inovazion, ancje di bande de Universitât.