Assemblee consorziâl
(art. 6 dal Statût)
La Assemblee e je componude dai rapresentants legâi dai Ents publics che a puedin fâsi sostituî, te partecipazion aes adunancis, di un lôr delegât.
I Ents socis dal Consorzi a son:
| Ent | Cuote di partecipazion | |
|---|---|---|
| Aministrazion provinciâl di Udin | 40% | |
| Comun di Udin | 40% | |
| Aministrazion provinciâl di Gurize | 4% | |
| Comun di Gurize | 4% | |
| Aministrazion provinciâl di Pordenon | 2% | |
| Cjamare di Cumierç I.A.A. di Udin | 6% | |
| Aziende ospedaliere "S. Maria della Misericordia" di Udin | 2% | |
| Aziende pai Servizis Sanitaris n. 4 "Friûl di Mieç" di Udin | 2% |
COMPITS DE ASSEMBLEE
(art. 7 dal Statût) I tocje ae Assemblee di deliberâ a rivuart :
- de nomine dal President dal Consorzi;
- de nomine dal Consei di Aministrazion, designant tra i siei membris un Vice President che al sostituissi il President in câs di sô mancjance o impediment;
- de nomine dal Revisôr dai Conts;
- dai indreçaments gjenerâi operatîfs dal Consorzi, esercitant il control su la lôr aplicazion;
- de decision e de fissazion dai criteris par stipulâ convenzions cun Universitât e Istitûts di Ricercje;
- de decision e de fissazion dai criteris par inviâ decentraments funzionâi, tes Provinciis di Gurize e Pordenon, di ciertis ativitâts dal Consorzi, cun costituzion eventuâl di Delegazions di pueste;
- des relazions di prevision e programatichis e ancje dai Belançs di Prevision anuâi e plurienâi e variazions relativis e i rindiconts de gjestion;
- de decision su la proporzion dai compens par indenitâts di carghe e dai gjetons di presince ai aministradôrs;
- de dotazion organiche dal personâl dal Consorzi;
- dai regolaments cun valence esterne;
- des propuestis di modificazions eventuâls de Convenzion stipulade tra i Ents Consorziâts e dal Statût, ancje in relazion ae partecipazion di altris Ents publics nomenâts tal III come dal art. 1, e ancje dal disfâsi anticipât eventuâl, par vie des decisions dai Ents Consorziâts;
- de acetazion di sovenzions di bande di altris Ents e privâts e la integrazion eventuâl dal Consei di Aministrazion che a ‘ndi diven, tant che previodût dal come dal art. 8;
- i acuiscj, lis alienazions imobiliârs e permutazions relativis, i apalts che no jentrin te aministrazion ordenarie ;
- di fâ mutuis;
- des spesis che a impegnin il belanç pai esercizis seguitîfs, gjavant chês relativis aes locazions di imobii e a soministrâ e proviodi bens e servizis continuatîfs.